PARTE 9
Cai mundoga ¿ima horashi shuj paraíso tucunga?
Cunun tiempobi tiyashca problemagunaga Diosbu Reino ña chayamugrishcada rricuchin (Lucas 21:10, 11; 2 Timoteo 3:1-5).
Ñaupa tiempomi cunun tiyana problemagunamunda Bibliaga ña parrlarca. Huahuagunaga taitamamada na cazungallu, gentegunaga malo munaigunadami charinga. Solo cullquida munashmi causanga nirca.
Ashtaunbish, jatun terremotoguna, guerras, yarijaiguna y ashca unguiguna tiyanadashmi nirca. Cunun tiempoga chaidami rricunchi.
Jesusga, Diosbu Reinomunda alli noticiagunaga mundo enterobimi predicashca ganga nirca (Mateo 24:14).
Diosbu Reinomi tucui malo cosasgunada para siempre tucuchinga (2 Pedro 3:13).
Jehová Diosga ñallami malo gentegunada tucuchinga.
Diablo y paibu demoniogunash tucuchishcami ganga.
Diosda cazuj gentegunaga cai mundobi tranquilo, na manchashmi juyaiun causangaguna. Tucuigunami rrandi rrandi confianajunga.
Tal vez caida rricunada munanguillari
LIBROS Y FOLLETOS
¿Diosbu Reinoga imadi gan?
Jesús cai allpabi gashaga Taita Diosbu Gobiernobi imada rrurrana gashcadami rricuchirca.
LIBROS Y FOLLETOS
Sufrimientoga ¿tucuringallu?
Taita Diosga injusticia y sufrimientodaga odianmi. Paiga cada unomundami preocuparin. ¿Caida yachashaga imashinadi beneficiarinchi?
