¿Cada leccionmunda imashinadi más yachai pudinchi?
Cai publicaciondaga shuj yachachiun estudiai. Majin cai folletoda quiquinmun cujta yachachillun mañai o ñucunchi sitio de internetbi shuj solicitudta cachai, jw.org.
PRIMERA PARTE
Tucui parrafogunada liyi. Numerashca tapuigunami tiyan, (A). Importante yuyaigunada intindingabuga, Bibliamunda japishca textogunami yana letraun escribishca tiyan (B). Liyingabuga Bibliamunda japishca huaquin textogunami tiyan.
SEGUNDA PARTE
“Cai temamunda más yachashunchi” nishca seccionmunda punta parrafoga jipa ima yachanadami explican (C). Numerashca subtitulogunami importante yuyaiguna gashcada rricuchin (D). Bibliabu textogunada liyi, tapuigunada contestai y videogunadash rricui (E).
Fotogunada y chaibi rricurij explicacionmundash parrlai (F). “Huaquingunaga ninmi” nishca partebi tapuigunada imashina contestanada yuyai (G).
TERCERA PARTE
Lecciongunaga “Resumen” y “Repaso” nishcaunmi tucurin (H). Cada leccionda tucuchishaga fechada escribi. “Caida rrurrai” nishca partebi tiyaj sugerenciagunaga estudiobi ñaupujmun catillunmi ayudanga (I). “Ashtaun yachai” nishca seccionbi huaquin articulogunada y quiquinmun recomendashca videogunadashmi taringui (J).
¿Imashinadi shuj textoda Bibliabi tari pudingui?
Bibliabi tiyaj textogunaga caidami charin: librobu shuti (A), capítulo (B), y versículo o versiculogunash (C). Por ejemplo, Juan 17:3 rricuchinmi, “Juan escribishca libro, capítulo 17, y versículo 3-da”.
