PARRLASH CALLARI
LECCIÓN 5
Alli yuyash parrlai
Bibliabu consejo: “Cangunabu palabraga […] siempre cushichij gana gan” (Col. 4:6).
Pabloga caidami rrurrarca
1. VIDEODA rricui o Hechos 17:22, 23-da liyi. Jipaga cai tapuigunada contestai:
-
Atenas llactabi ashca santoguna tiyajta rricushaga, ¿imashinadi apóstol Pabloga sintirirca? (Hechos 17:16-da rricui).
-
Atenas llactamunda gentegunabu crishcagunamunda rrimanabu rrandiga, ¿imashinadi apóstol Pabloga alli yuyash Diosmunda parrlai callarirca?
¿Pablobu ejemplomundaga imadadi yachanchi?
2. Ima ninada, imashina ninada, ima horas ninada alli yuyash parrlajpiga, tal vez gentegunaga uyanada munanga.
Pablobu ejemploda cati
3. Alli shimigunaun parrlai. Por ejemplo, Diosbi na crij gentegunaun parrlajushaga, Taita Diosmunda, Jesusmunda alli yuyashmi parrlana gangui.
4. Pantarijpiga ama chai rrato corregillu. Pai munashcada parrlallun saquilla. Bibliabu yachachishcagunamunda panta parrlai callarijpiga, ama rrimaillu (Sant. 1:19). Atencionda churash uyashaga, imabi crishcada, imamunda shina crishcadami intindi pudingui (Prov. 20:5).
5. Huasiyuj alli contestajpiga, felicitanami gangui. Tal vez huasiyujga allidami parrlajuni nishmi yuyanga. Primeroga genteguna munashca yuyaimunda parrlai, jipaga Biblia ima yachachishcada asha asha intindichi.
ASHTAUN
Prov. 25:15; 2 Tim. 2:23-26; 1 Ped. 3:15-da rricui.
