LECCIÓN 10
Tonoda cambiash parrlai
Proverbios 8:4, 7
RESUMEN: Yachachish shungumun chayai pudingabuga, tonoda alzash, bajash, cambiash, ucta o allimunda parrlash yachachi.
¿IMASHINADI RRURRANA GANGUI?
-
Tonoda alzash o bajash parrlai. Yachachijushca temamunda intindish uyanada munallunga, tonoda alzash parrlai. Shinalladi Taita Dios colerashca shimigunada liyijushaga tonoda alzai. Manchaida, preocupacionda o ima pasajushcada rricuchingabu, tonoda bajash parrlai.
-
Tonoda cambiai. Caru o mayallabi gashcada rricuchingabu, uchilla o jatun gashcada, shinalladi contento gashcada rricuchingabuga, cushilla tonounmi parrlana gangui. Llaquilla o preocupado gashcada rricuchingabuga, llaquilla tonounmi parrlana gangui.
-
Rrato o allimunda parrlai. Contento parrlana gashaga rrato parrlai. Ima importante cosasgunada huillana gashaga allimunda parrlai.