Gentegunamunda alli yuyai. Huauquipaniguna Jehová Diosda cazui pudishcabimi confiana gangui. Shuj consejoda cungabu munashaga, puntabiga shungumundami animana gangui.

Na alli noticiagunadaga na tanto parrlanallu gangui. Shuj temamunda yachachijush, na alli noticiagunamunda parrlana ministirishca gajpiga, chai na alli noticiamundaga na tanto parrlanallu gangui. Shinalladi alli tonounmi parrlash animana gangui.

Bibliada alli utilizash yachachi. Jehová Dios ñaupa tiempobi imada ña rrurrashcada, cunun tiempobi imada rrurrajushcada y shamuj tiempobi gentegunamunda imada rrurrana gashcada yachachi. Genteguna Jehová Diosbu promesabi confiallun y shinchi feda charillunmi ayudana gangui.