Achca huatacuna ñaupaman manaraj mandajcuna cazaranamanta leycunata churajpimi Jehová Diosca ña chai leycunata churarca. Bibliapaj callari libropica: “Cꞌarica paipaj yayata mamata saquishpa paipaj huarmihuan tandanacushpa ishquindijmanta shuj aichallami tucunga” ninmi (Génesis 2:24). Shuj Diccionariopi nishca shinaca, cai versopi hebreo shimipi “huarmi” nishpaca mana shuj cꞌarimantachu nicun, shuj huarmimantami nicun (Diccionario expositivo de palabras del Antiguo y del Nuevo Testamento exhaustivo, de W. E. Vine). Huaquin huatacuna qꞌuipaca Jesuspish cazarashcacunaca shuj huarmi, shuj cꞌarimi cana can nircami (Mateo 19:4).

 Diosca shuj cꞌari shuj huarmi cazarashpa shuj shinalla huiñaita causachunmi mandarca. Diosca cusa huarmihuan chayarinacushpa huahuacunata charichunmi rurarca. Shinallataj, ishquindijpura ayudanacushpa, Diosta sirvishpa cushilla causachunmi rurarca.