16 de enero de 2021-pica umbundu shimipi Traducción del Nuevo Mundo Biblia llujshishcatami huillarcacuna. Chai Bibliataca Internetmanta telefonocunapi o tabletpi descargai tucushcatami huillarcacuna. Cai programa grabashca cashcamantami Angola llajtamanta umbundu shimita parlaj tucui huauqui panicuna ricui tucurcacuna. Angola llajta Comité de Sucursalpi sirvij huauqui Genésio Verdianomi chai mushuj Biblia llujshishcata huillarca.

Angola llajtapica umbundu shimitami gentecunaca ashtahuantajca parlancuna. Casi 7 millones gentecunami chai shimita parlancuna. Chai gentecunapuramanta 6.500 testigo de Jehovacunapishmi chai shimita parlancuna.

Seis traductorcunami ishqui equipocunapi cinco huatacunata cai Bibliata traducishpa ayudarcacuna. Shuj traductorca: “Cai mushuj Biblia jahualla, intindirinalla cashcamantami Bibliapi ima pasacushcata ricucuj shina intindichun ayudanga. Shinallataj shujtajcunamanmi jahualla Diospaj Shimimanta yachachi tucushun” nircami.

Comité de Sucursalpi sirvij shuj huauquica: “Gentecuna paicunapaj propio shimipi Bibliata liyishpaca chaipi imata yachachishcataca allimi intindincuna. Jehová Dios paipaj Shimihuan umbundu shimita parlaj gentecunata ima shina ayudacujta ricunaca shuj sumaj bendicionmi canga” nircami (2 Tesalonicenses 3:1).