Sábado 5 de marzo de 2022-pimi Ecuador llajta Comité de Sucursalpi sirvij huauqui Alan Costaca Traducción de Nuevo Mundo Biblia Mateomanta Apocalipsiscama quichua Chimborazo, quichua Imbabura shimicunapi llujshishcata huillarca. Ecuador llajtapica quichuata parlajcunaca cai ishqui shimicunatami ashtahuantajca parlancuna. En vivo shuj programata rurashpami chai ishqui shimicunapi Bibliacuna imprimishca llujshishcata, celularcunapi, tabletcunapi descargai tucushcata huillarca.

Quichua shimita parlaj la mayoría gentecunaca coordillera de los Andes nishca urcucunapimi causancuna. Cai urcucunaca mama cuchamanta casi 2.700 a 3.700 metrocuna jahuamanmi. Cai gentecunaca comunidadcunapimi tandalla causancuna. Generosos, sinchita trabajajcuna, alli chasquijcunami can. Paicunaca Diospimi crincuna, Bibliatapish achcatami respetancuna.

Testigo de Jehovacunaca 1990 huatamantami publicacioncunataca quichua unificadoman traducircacuna. Quichua unificadoca chꞌican chꞌican ladocunapi parlashca quichuata chagrushcami can. Chai quichuata liyishpaca ashacunallami alli huillaicunataca yachashun nircacuna. Chaimantami huauqui panicunaca shunguman chayangapajca gentecuna intindishca shimipi publicacioncunata traducinata minishtircacuna.

Quichua shimiman traducijcunaca chꞌican chꞌican ladocunapi causaj huauqui panicunapaj ayudatami chasquircacuna. Paicunami traducishcata revisashpa ayudarcacuna. Quichua Chimborazo shimiman Bibliata traducina mana jahualla cashcata parlashpami shuj traductorca: “Cai huauqui panicuna ayudajpimi tucuicuna alli intindichun traduci tucushcanchij” nircami. Cutin quichua Imbaburamanta shuj traductorca: “Jehová Diosmi ñucanchijtaca ayudashpa catirca. Paipaj Shimita tucuicuna yachachun, alli intindichun munashcatami cuentata curcani” nircami.

Cai ishqui shimicunapi llujshishca Bibliaca quichua shimita parlaj huauqui panicunapajca shuj bendicionmi canga. Paicunapish “tucui laya gentecunata Quishpichij” ñucanchij Jehová Diostami sirvicuncuna (1 Timoteo 4:10).