1 Crónicas 27:1-34
-
Reypaj caj pushajcunamanta (1-34)
27 Cai grupo israelitacunami reypaj soldadocuna carca. Cai grupocunapica yayacunapaj familiacunata pushajcuna, 1.000 gentecunata pushajcuna, 100 gentecunata pushajcunami carca. Shinallataj cai grupocunata pushajcunapishmi chaipica carcacuna. Huatapica cada grupomi cada quilla turnopi* sirvijcuna carca. Cada grupopica 24.000 cꞌaricunami tiyarca.
2 Primer quillapajca Zabdielpaj churi pushaj Jasobeampajmi turnoca urmarca. Paipaj grupopica 24.000 soldadocunami tiyarca.
3 Jasobeamca Perezpaj huahua huahuacunamantami carca. Paimi primer quillapi sirvij grupocunata pushajcunata pushaj carca.
4 Segundo quillapica ahohitacunapuramantaca Dodaimi grupota mandaj carca. Chai grupota pushajca Miclotmi carca. Paipaj grupopica 24.000 soldadocunami tiyarca.
5 Tercer quillapica tercer grupotami sirvichun mingashca carca. Chai grupota pushajca sacerdotecunata mandaj Jehoiadapaj churi Benayami carca. Paipaj grupopica 24.000 soldadocunami tiyarca.
6 Benayaca 30 macanacujcunata pushajmi carca. Paica 30-puramanta sinchi macanacujmi carca. Paipaj churi Amizabadmi paipaj grupota pushaj carca.
7 Cuarto quillapi cuarto pushajca Joabpaj huauqui Asahelmi carca. Paipaj qꞌuipaca paipaj churi Zebadiasmi pushaj carca. Paipaj grupopica 24.000 soldadocunami tiyarca.
8 Quinto quillapi quinto pushajca izrahitacunapuramanta Samhutmi carca. Paipaj grupopica 24.000 soldadocunami tiyarca.
9 Sexto quillapi sexto pushajca Tecoamanta Iquespaj churi Irami carca. Paipaj grupopica 24.000 soldadocunami tiyarca.
10 Séptimo quillapi séptimo pushajca pelonitacunapuramanta Helezmi carca. Paica Efrainpaj huahua huahuacunamantami carca. Paipaj grupopica 24.000 soldadocunami tiyarca.
11 Octavo quillapi octavo pushajca husatitacunapuramanta Sibecaimi carca. Paica Zerahpaj huahua huahuacunamantami carca. Paipaj grupopica 24.000 soldadocunami tiyarca.
12 Noveno quillapi noveno pushajca Benjaminpaj huahua huahuacunamanta Anatot llajtamanta Abí-Ezermi carca. Paipaj grupopica 24.000 soldadocunami tiyarca.
13 Décimo quillapi décimo pushajca netofatitacunapuramanta Maharaimi carca. Paica Zerahpaj huahua huahuacunamantami carca. Paipaj grupopica 24.000 soldadocunami tiyarca.
14 Once quillapi 11 pushajca Efrainpaj huahua huahuacunamanta Piratonmanta Benayami carca. Paipaj grupopica 24.000 soldadocunami tiyarca.
15 Doce quillapi 12 pushajca netofatitacunapuramanta Heldaimi carca. Paica Otnielpaj huahua huahuacunamantami carca. Paipaj grupopica 24.000 soldadocunami tiyarca.
16 Israelpaj familiacunata pushajcunaca caicunami carca. Rubenpaj familiata pushajca Zicripaj churi Eliezermi carca. Simeonpaj familiata pushajca Maacapaj churi Sefatiasmi carca.
17 Levipaj familiata pushajca Quemuelpaj churi Hasabiasmi carca. Aaronpaj huahua huahuacunata pushajca Sadocmi carca.
18 Judapaj familiata pushajca Elihumi carca. Paica Davidpaj huauquicunamanta shuj huauquimi carca. Isacarpaj familiata pushajca Miguelpaj churi Omrimi carca.
19 Zabulonpaj familiata pushajca Abdiaspaj churi Ismayami carca. Neftalipaj familiata pushajca Azrielpaj churi Jerimotmi carca.
20 Efrainpaj familiata pushajca Azaziaspaj churi Hoseami carca. Manasespaj chaupi familiata pushajca Pedayapaj churi Joelmi carca.
21 Galaadpi caj Manasespaj chaupi familiata pushajca Zacariaspaj churi Idomi carca. Benjaminpaj familiata pushajca Abnerpaj churi Jaasielmi carca.
22 Danpaj familiata pushajca Jerohampaj churi Azarelmi carca. Caicunami Israelpaj familiacunata mandajcuna carca.
23 Jehová Diosca israelitacunataca jahua pacha estrellacunata shina yallitaj mirachina cashcatami huillashca carca. Chaimantami 20 huatacunata uriman charijcunataca Davidca mana yuparca.
24 Zeruyapaj churi Joabmi censota rurai callarirca. Shinapish censota rurashpaca mana tucuchircachu. Censota rurashcamantami Diosca israelitacunahuan yallitaj pꞌiñarirca. Chaimantami rey Davidpaj causaimanta parlaj libropica mashna cashcataca mana quillcashpa churarca.
25 Adielpaj churi Azmavetca reypaj achca valij cosascunata huaquichina cuartocunatami cuidaj carca. Uziaspaj churi Jonatanca campocunapi, llajtacunapi, uchilla pueblocunapi, torrecunapi tiyashca huaquichina cuartocunatami* cuidaj carca.
26 Kelubpaj churi Ezrica campopi tiyaj allpacunapi tarpushpa trabajajcunatami mandaj carca.
27 Ramamanta Simeica uva chagracunatami cuidaj carca. Cutin sifmitacunapuramanta Zabdica vinota huaquichina cuartocunatami cuidaj carca.
28 Guedermanta* Baal-Hananca Sefelá llajtapi tiyaj olivocunata, sicómoros* yuracunatami cuidaj carca. Cutin Joasca aceiteta huaquichina cuartocunatami cuidaj carca.
29 Saronmanta Sitraica Sarón pugru pambapimi huagracunata michishpa cuidaj carca. Cutin Adlaipaj churi Safatca pugru pambapimi huagracunata cuidaj carca.
30 Ismaelitacunapuramanta Obilca camellocunatami cuidaj carca. Meronotmanta Jehdeyaca burrocunatami* cuidaj carca.
31 Agarpaj huahua huahuamanta Jazizca canlla ovejacunata, canlla chivocunatami cuidaj carca. Tucui cai pushajcunami rey Davidpaj imalla charishca cosascunata cuidajcuna carca.
32 Davidpaj sobrino Jonatanca alli yachaj, cunaj, secretariomi carca. Hacmonipaj churi Jehielca reypaj churicunatami cuidaj carca.
33 Ahitofelca reyta cunajmi carca. Arkitacunapuramanta Husaica reypaj amigomi carca.
34 Ahitofelpaj qꞌuipa cunajcunaca Benayapaj churi Jehoiadá, Abiatarmi carca. Joabca reypaj soldadocunata mandajmi carca.
Notacuna
^ Hebreo rimaipica: “yaicushpa, llujshishpa” ninmi.
^ O “achca valij cosascunata huaquichina cuartocunatami”.
^ Caitaca “Guederá” nishpapishmi traducishcacuna.
^ Sicómoro yuraca shuj higo yura layami carca.
^ Hebreo rimaipica: “burracunatami” ninmi.
