Jonás 2:1-10
2 Jonasca pescadopaj huijsa ucumanta Jehová Diosta mañashpaca
2 cashnami nirca:
“Yallitaj llaquilla cashpami Jehová Diosta mañarcani. Paica uyahuarcami.
Pambana Jutcu* ucumantami ayudachun caparircani.
Ñuca caparishcataca uyahuarcanguimi.
3 Ñucataca mama cucha chaupipimi ucujta shitarcangui, chaipimi yacucunaca ñucata millpurca.Can rurashca yacucunaca caiman chaiman jatunta cuyurishpami ñuca jahuata pasarca.
4 Chaimi: ‘¡Ñucataca cambaj ñaupajmantami caruyachishcangui!
¿Cambaj jucha illaj huasitaca ima shinataj cutin ricushari?’ nircani.
5 Yacucuna ñucata millpujpimi ñalla huañugrircani.Mama cucha ucucamami pambarircani.
Algascunapish ñuca umapimi pillurirca.
6 Urcucunapaj ucu chaquicamami yacupi pambarircani.
Pambana jutcupi huiñaipaj huichcashca cashcatami sintircani.
Pero ñuca Jehová Dioslla, pambana jutcumanta llujshichij shinami ñucataca huañuimanta quishpichircangui.
7 Ñalla huañugrishpaca Jehová Diostami yuyarircani.
Ñuca mañashcataca cambaj jucha illaj huasimantami uyarcangui.
8 Mana vali rurashcalla dioscunata adorajcunaca mana tucurij cꞌuyaita ricuchij Diosmantami caruyashcacuna.
9 Pero ñucaca pagui nishpami canmanca sacrificiocunata cusha.
Imata rurasha nishcataca pajtachishatajmi.
Jehová Dioslla, canmi ñucata quishpichij cangui” nircami.
10 Jehová Dios mandajpimi pescadoca Jonasta vomitashpa* yacu uripi shitarca.
Notacuna
^ O “Seol”. Cai shimica huañushcacuna samaricujta ricuchingapajllami can. “Seol” shimita huasha diccionariopi ricui.
^ O “shungu tigrashpa”.
