RIJCHARISHCA SHINA CATISHUNCHIJ
¿2023-pajca imatataj shuyai tucunchij? ¿Bibliaca imatataj nin?
Huata 2023-pajca ñucanchijpish, ñucanchij familiapish alli causanatami munanchij. ¿Alli causaita chari tucunchijchu?
Bibliaca esperanzatami cun
Bibliapica llaquicuna mana huiñaipaj cana cashcata, ñalla tucurinatapishmi huillan. Romanos 15:4-pica: ‘Ñaupa quillcashca shimicunaca ñucanchijta yachachingapaj quillcachishcami can. Chaimantami shamuj punllacunapi Dios cusha nishcacunata shuyacunchij’ ninmi.
Caimanta ashtahuan yachasha nishpaca “La esperanza real de un mañana mejor” nishca temata liyi.
¿Cai punllacunapica esperanzata charinaca ima shinataj ayudan?
Bibliapi huillashca esperanzaca ñucanchij “causaipajca barcota charicuj fierro shinami can” (Hebreos 6:19). Cai esperanzaca problemacunata chꞌimbapurachun, cushilla causachunmi ayudan. Ima shina huaquincunata ayudashcata ricushun:
Shuj runa viciota saquingapaj Bibliapi tiyaj esperanza ima shina ayudashcata yachangapajca “Mapa causaita saquircanimi” nishca videota ricui.
Cꞌuyashca familia huañujpi Bibliapi huillashca esperanza ima shina ayudai tucushcata yachangapajca Huañuimanta llaquilla cajcunapaj animachij yuyaicuna nishca videota ricui.
Dios cushca esperanzaca pajtaringatajmi
Achca gentecunaca alli causanatami shuyancuna. Chai pajtarinata mana pajtarinataca mana yachancunachu. Shinapish Bibliapi huillashca esperanzaca pajtaringatajmi. ¿Ima shinataj chaita yachanchij? Jehová Diosllatajmi a paipaj Shimipi alli causana esperanzata cun. Paica “mana llulla Diosmi” (Tito 1:2). Yaya Diosllami pai cusha nishcacunata pajtachingapaj poderta charin. “Tucui pai rurasha nishcatami ruran” (Salmo 135:5, 6).
Canpishmi Biblia ima nishcapi confiai tucungui. Chaipajca Dios quillcachishcacunata alli ricuchunmi invitanchij (Hechos 17:11). Bibliamantami gratis yachai tucungui. Alli causai tiyanata yachashpaca 2023 huata alli callaringui.
a Diospaj shutica Jehovami can (Salmo 83:18).