Ucraniapi guerra tiyachun religionta pushajcuna apoyacushcata ricushpaca paicuna guerracunapi chagrurishcatami cuentata cunchij. Cada ladomanta religionta pushajcuna ima shina apoyacushcata ricushun:

•    “Kiev llajtamanta metropolitano Epifanio I runaca: ‘Ucrania llajtata difindingapaj macanacucushcamantami soldadocunataca pagui ninchij. Paicunata bendiciachunpishmi Diosta shungumanta mañanchij. Paicunaca alli nishcami cana can. Ñucanchij apoyotami charincuna’ nircami” (16 de marzo de 2022, The Jerusalem Post).

•    “Moscú llajtamanta soldadocunaca Ucraniapi macanacushpami catincuna. Rusiamanta Iglesia ortodoxata pushajca domingo tutamantami Rusia soldadocunapaj shuj misata rurarca. Chai misapica soldadocuna Rusia llajtata difindichunmi animarca. Paica: ‘Ruso gentecunallami paicunapaj llajtataca chashna difindi tucun’ nircami” (3 de abril de 2022, Reuters).

 ¿Jesusta catijcunaca guerracunapi participanachu can? ¿Bibliaca imatataj nin?

 Bibliapica Jesusta alli catijcuna guerracunapi mana participana cashcatami yachachin.

•    Mateo 26:52-pica: “Cambaj espadata huaquichi. Maijanpish espadahuan shujtajcunata llaquichijca espadallahuantajmi huañuchishca canga” ninmi.

   ¿Guerracunapi participajcuna o guerracuna tiyachun apoyajcunaca Jesús mandashcata pajtachicuncunachu?

•    Juan 13:34, 35-pica: Jesusca: “Ñucaca shuj mushuj mandashcatami cancunamanca cuni. Caishuj chaishuj cꞌuyanacuichij. Ima shinami cancunata ñuca cꞌuyashcani, cancunapish chashnallataj caishuj chaishuj cꞌuyanacuichij. Cancuna chashna caishuj chaishuj cꞌuyanacujpimi ñucata catijcuna cashcata tucuicuna yachangacuna” nircami.

   ¿Guerracunapi participajcuna Jesús caishuj chaishuj cꞌuyanacuichij nishpa mandashcata pajtachicushcatachu yuyangui?

 Caimanta ashtahuan yachasha nishpaca “El cristianismo y la guerra: ¿son compatibles?” nishca temata ricui.

 ¿Imamantataj Jesusta catijcunaca guerracunapi mana participan? Bibliapica ‘tucuri punllacunapi’ ‘tucui llajtacunamanta’ shamujcuna Jesús mandashcata catishpa macanacuicunapi mana participanatami nin (Isaías 2:2, 4).

•    Caimanta ashtahuan yachasha nishpaca Atalaya revistapi “¿Qué piensa Dios de las guerras?” nishcata ricui.

 Ñallami “sumaj causaita cuj” Jehová Diosca a paipaj Gobiernohuan gentecunata llaquicunamanta quishpichinga (Filipenses 4:9; Salmo 72:14).

•    Gentecunata llaquicunamanta Dios ima shina quishpichinata ashtahuan yachangapajca ¿Diospaj Mandanaca imataj can? nishca videota ricui.