“Clima o tiempo cambiarishcamantami huaquin llajtacunapica yallitaj rupai, sinchi huaira, sinchi tamiacuna, inundacioncunapish tiyashca. Cutin shujtaj ladocunapica yacuca mana tiyanchu. Achca plantacunapish, animalcunapishmi chingaricun. Cientificocunaca gobiernocuna energiata mana alli administrashcamantami chashna sufricunchij nincunami” (Discurso de António Guterresca Secretario General de las Naciones Unidas en respuesta al informe del Grupo Intergubernamental de Expertos sobre el cambio climático del 4 de abril de 2022).

 “Huaquin cientificocunaca qꞌuipa huatacunaca clima cambiarishcamantami Estados Unidospi saquirij casi 423 lugarcunaca yallitaj rupaimanta llaquichishca canga nincunami. Por ejemplo incendiocuna, inundacioncuna, dimastij calormi tiyanga. Urcupi tiyaj razucunaca yacuyashpami ashtahuan mama cuchapi miranga. Cientificocuna ima nishcata uyashpaca Bibliapi tiyaj profeciacuna pajtaricushcatami crinchij” (“Caoticas inundaciones en Yellowstone un aviso de las crisis que vendrán” The New York Times, 15 de junio  de 2022).

 Clima cambiarishcamantami cai Allpa pachataca achcata llaquichishca. Pero ¿ima horasca cai llaquicunaca allichiringachu? ¿Caimantaca Bibliaca imatataj nin?

 Apocalipsis 11:18-pica Yaya Diosca cai Allpata llaquichijcunata tucuchigrina cashcatami huillan. Cai versopica quimsa yuyaimantami parlan:

1.  1. Gentecunaca cai Allpata llaquichicushcatami nin.

2.  2. Cai Allpata llaquichijcunaca tucurina cashcatami nin.

3.  3. Runacuna cai Allpata mana allichinata, Yaya Dioslla allichinatami nin.

 Bibliapica cai Allpa mana tucurina cashcatami nin (Eclesiastés 1:4, La Biblia. Traducción del Nuevo Mundo). Siempremi gentecunaca cai Allpapi causanga.

•   Salmo 37:29-pica: ‘Cashcata rurajcunallami Dios cusha nishca [“Allpataca”, NWT] japingacuna. Tucui causaipimi chaipi causangacuna’ ninmi.

 Cai Allpaca tucuipi allichirishpami sumaj Allpa tucunga.

•   Isaías 35:1-pica: “Shitashca pambacunapish, chaquishca pambacunapish cushicungacunami. Shitashca pambapish cushicungami. Rosas shinami sisanga” ninmi.