Jesustaca mana alli juzgashpa, yangamanta macashpa, paimanta llullacunata nishpami llaquinaita huañuchircacuna. Chaimantami Jesusca millaicunapaj maquipi ima shina sufrina cashcataca alli yachan. Shinapish Jesusca ima culpata mana charishpapish shujtajcunata sirvingapajmi listo carca. Shinallataj achcacunata quishpichingapajmi paipaj causaita curca (Mateo 20:28; Juan 15:13). Cunan punllacunapicarin Diospaj Gobiernopica Jesusmi mandacun. Paica ñallami millaita rurajcunataca para siempre tucuchinga. Paica tucui allpapimi allita rurashpa mandanga (Isaías 42:3).

 Bibliapica Jesús millai gentecunata tucuchijpi causai ima shina cana cashcatami huillan.

•   Salmo 37:10, 11-pica: “Millaicunaca ñallami mana tiyanga. Paicuna tiyacushcapi ricujpica ña mana ricuringachu. Alli shungucunami, Dios cusha nishca allpataca japingacuna. Yallitaj sumaj causaipimi cushicungacuna” ninmi.

 ¿Jesús ñucanchijmanta imata rurashcata, imata ruragrishcata agradicingapajca imatataj rurana canchij? Lucas 22:19-pica Jesusca paita catijcunataca pai huañushcata yuyarichunmi mandarca. Chaimantami testigo de Jehovacunaca cada huata pai huañushcata yuyaringapaj tandanacunchij. Canpish cai tandanacuipi ñucanchijhuan cachunmi invitanchij. Cai tandanacuica domingo 24 de marzo de 2024-tami canga.

Jesús huañushcata yuyarina tandanacui maipi cagrishcata mashcai