Julio de 2022 huatapica muyundij Allpapimi yallitaj calor tiyai callarirca. Por ejemplo:

•    China llajtapica: “Chinapi saquirij casi 70 lugarcunapimi yallitaj calor cai quillapi cutin tiyanga” nishpami advirtircacuna (25 de julio de 2022, servicio de noticias de la CNN).

•    “Europa llajtacunapi yallitaj calor tiyashcamantami huaquin bosquecunaca rupashca” (17 de julio de 2022, The Guardian).

•    “Estados Unidospi huaquin llajtacunapica domingo punllapimi yallitaj calor tiyarca. Cai calorca Estados Unidosmanta inti llujshin ladopi, inti yaicun ladopi, ura ladopipishmi callarishcarca” (24 de julio de 2022, The New York Times).

 ¿Yallitaj calor tiyashcamantaca cai Allpapi causashpa cati tucushunchu? ¿Caimantaca Bibliaca imatataj nin?

 Ari. Ñucanchij punllacunapimi muyundij Allpapi cai shina llaquicuna tiyana cashcataca Bibliaca ña huillashca. Por ejemplo Jesusca: “Gentecunaca yallitaj mancharinacunatami ricungacuna” nircami (Lucas 21:11). Muyundij Allpapi yallitaj calor tiyashcamantami huaquincunaca mancharincuna. Paicunaca gentecunallatajmi cai Allpataca tucuchinga nishpami yuyancuna.

 Ari. Diosca gentecuna cai Allpapi causachunmi rurashca (Salmo 115:16; Eclesiastés 1:4). Gentecuna cai Allpata tucuchichunca Diosca mana saquingachu. Diosca: ‘Cai allpata llaquichijcunataca tucuchishami’ ninmi (Apocalipsis 11:18).

 Dios imata rurasha nishcata ricui:

•    Isaías 35:1-pica: “Shitashca pambacunapish, chaquishca pambacunapish cushicungacunami. Rosas shinami sisanga” ninmi. Diosca cai Allpa chaquishca pamba tucuchunca mana saquingachu. Ashtahuanpish tucuitami mushujyachinga.

•    Salmo 65:9-pica: “Allpataca ricuj shamunguimi. Allpapica tamyachinguimi. Yallitaj charijtami rurangui” ninmi. Dios munashcamantami cai Allpaca shuj sumaj paraíso tucunga.

 Climaca cambiarishpami caticun. Caimanta ashtahuan yachangapajca “¿Clima cambiarishpa caticushcamanta, shamuj punllacunamantaca Bibliaca imatataj huillan?” nishca temata yachai.

 Bibliapica Dios tucui cai Allpata mushujyachinatami huillan. Caimanta ashtahuan yachasha nishpaca “¿Quién salvará el planeta?” nishca temata yachai.