19 de mayo de 2022 huatapimi 75 yalli pushajcunaca Consejo de Seguridad de las Naciones Unidas nishca organizacionman: “COVID-19 ungüi tiyashcamanta, clima cambiarishcamanta, Ucraniapi guerra tiyashcamantami tucui muyundij Allpapi micuna ashtahuan faltai callarishca” nircacuna. Qꞌuipaca The Economist nishca revistapica: “Gentecunaca achca llaquicunatami charincuna. Pero guerra tiyashcamantami yaricaicunaca mundo enteropi ashtahuan mirashpa catinga” nircami. Bibliapica cunan punllacunapi yaricaicuna tiyana cashcatami ña huillarca. Cai llaquicunata ima shina chꞌimbapuranatapishmi huillarca.

•    Mateo 24:7-pica: ‘Jesusca shuj mama llajtaca caishuj mama llajtahuanmi macanacunga. Shuj gobiernoca caishuj gobiernohuanmi macanacunga. Chꞌican chꞌican llajtacunapimi yaricai tiyanga nircami’ ninmi.

•    Apocalipsis libropica chuscu caballocunamantami parlan. Shujca guerratami ricuchin. Caishuj caballoca yaricaitami ricuchin. ¿Yaricaica ima horashi tiyana carca? Bibliapica micuna illashcamanta, micunacunata randingapaj yallitaj valishca cashcamanta yaricai tiyana cashcatami huillarca. Apocalipsis 6:5, 6-pica: ‘Shuj yana caballotami ricurcani. Chai caballopi tiyacujca paipaj maquipimi shuj balanzata charicurca. Shuj rimashca shinatami uyarcani. Chai rimashcami: “Shuj litro trigoca shuj denario cullquimi valin. Shinallataj quimsa litro cebadaca shuj denario cullquimi valin” nicurca’ ninmi.

 Bibliapica ‘tucuri punllacunapi’ ashalla micuna tiyanatami huillarca. Chaica cunan punllacunapimi pajtaricun (2 Timoteo 3:1). Tucuri punllacunamanta, Apocalipsis parlashca chuscu caballocunamanta ashtahuan yachangapajca 1914 huatamantami ashtahuan llaquicunaca tiyai callarirca nishca videota ricui. “¿Qué representan los jinetes del Apocalipsis?” nishca tematapish ricui.

•    Micuna illajpi imata rurana cashcata yachangapajca Bibliapi tiyaj consejocunami ayudai tucun. Bibliapi tiyaj huaquin consejocunata ashtahuan yachasha nishpaca “Cómo vivir con menos” nishca temata ricui.

•    Bibliapica cai Allpapica achca micunacuna tiyana cashcatapishmi huillarca. Chai nishcacuna pajtarijpimi tucui gentecunaca achca micunacunata charinga (Salmo 72:16). Bibliapica shamuj punllacunapi sumaj causai tiyanatami huillan. ¿Cai promesa pajtanataca imamantataj seguros canchij? Caimanta yachangapajca “La esperanza real de un mañana mejor” nishca temata ricui.