Julio y agosto de 2020-pimi muyundij Allpamanta testigo de Jehovacunaca chai semanacunallapitaj jatun tandanacuitaca grabashca programapi ricungacuna. Chashna tandanacuitaca nunca mana charishcachu carcanchij. Tucuicuna chai tiempollataj jatun tandanacuita ricungapajmi 500 yalli shimicunapi traducina carcanchij. Chashna proyectocunapaj videocunata, discursocunata grabangapaj, traducingapajca shuj huata o huata yallimi minishtirin. Pero cai coronavirus ungüimantami 2020 “Imapipish cushilla caichij” nishca jatun tandanacuitaca traductorcunaca casi chuscu quillacunallapi traducina carcacuna.

 Central mundialmanta, Departamento Mundial de Compras y departamento de Servicios de Traduccionca tandallami cai jatun proyectopi trabajarcacuna. Servicios de Traduccionpi caj huauquicunaca traductorcuna cai proyectota pajtachingapaj ashtahuan materialcunata minishtishcatami cuentata curcacuna. Ashtahuantajca alli microfonocunami minishtirirca. Chaimantami Departamento Mundial de Comprasca 1.000 microfonocunata randishpa casi 200 chꞌican chꞌican lugarcunaman cacharca.

 Cullquita ahorrangapajmi microfonocunataca al por mayor randircanchij. Chai tucui microfonocunataca shuj lugarllamanmi cacharcacuna. Chaimantami cutin ñucanchijca tucui ladocunaman cachai tucurcanchij. Al por mayor randishcamantami microfonocunaca cachashca preciondij cada uno a 170 dólares shinalla valirca. Chaimi cullquita ahorrai tucurcanchij.

 Departamento Mundial de Compraspi trabajaj huauquicunaca abril y mayo de 2020-pimi cai materialcunata randishpa traductorcunaman cacharcacuna. Chai quillacunapica achca negociocunami coronavirus ungüimanta mana normalta atindicurcacuna. Shinapish mayo quilla tucurinapajca oficina de traduccioncunapi, sucursalcunapi o shujtaj lugarcunapi caj traductorcunaca ñami minishtirishca materialcunata chasquircacuna.

 Departamento Mundial de Compraspaj superintendente huauqui Jay Swinneyca: “Cai proyectopica Betelpi caj oficinacunaca empresacunahuanmi tandalla trabajarcacuna. Jehová Dios paipaj espirituhuan ayudajllapimi huauqui panicuna minishtishca materialcunataca ashalla tiempopi y mana tanto preciopi randi tucurcanchij” ninmi.

 Servicios de Traduccionpi sirvij huauqui Nicholas Ahladisca: “Traductorcunaca paicuna causan lugarcunamanta mana llujshi tucurcacunachu. Pero traducishpa catingapaj mushuj materialcunata chasquishpaca cushillami carcacuna. Shujtaj huauqui panicunamanta carupi cashpapish discursocunata, videocunata, cancioncunatami 500 yalli shimicunapi traducishpa, grabashpa catircacuna” ninmi.

 2020 “Imapipish cushilla caichij” nishca jatun tandanacuita rurangapajca shujtaj proyectocunapishmi minishtirirca. Huauqui panicunaca donate.pr418.com paginapi o shujtaj layami shungumanta cullquita cushpa ayudacushcacuna. Chai cullquihuanmi traductorcuna minishtishca materialcunataca randi tucushcanchij.