Pablopish Silaspish prezupi cashpaca Diosta cantashpami alabarcacuna (Hch 16:25). Alemania llajtapi Hitler mandacujpica, huaquin huauquicunata panicunatami Sachsenhausen puebloman prezu shina aparcacuna. Cutin shujtajcunataca Siberia llajtamanmi aparcacuna. Paicunapish prezupi cashpaca cantocunahuanmi Diosta alabarcacuna. Cai ejemplocunaca llaquicunata chꞌimbapuracujpica cantocunaca Diosta servishpa catingapaj ayudashcatami ricuchin.

Cantemos con gozo a Jehová nishca mushuj cantana libroca achca shimicunapimi llujshinga. Ñucanchij shimipi cai mushuj cantana librota charishpaca, cantocunata yuyaipi charingapajmi familiahuan Diosta adoranapi yachana canchij (Ef 5:19). Llaquicunata chꞌimbapuracujpica espíritu santomi cantocunata yuyachinga. Cantocunaca Dios cusha nishcacunapi ñucanchij shunguta churachunmi ayudan. Llaquicunata charijpipish ñaupajman catichunmi ayudan. Cushilla cajpipish cushicushpa Diosta cantachunmi yachachin (1Cr 15:16; Sl 33:1-3). Chaimanta cantocunata yachangapajca tiempota surcushunchij.

LLAQUICUNAHUAN CAJPICA SHUJ CANTOMI ANIMARCA NISHCA VIDEOTA RICUI. QꞌUIPACA CAI TAPUICUNATA CUTICHI:

• ¿Huauqui Frostca maipi cashpataj shuj cantota rurarca?

• ¿Sachsenhausen pueblopi prezu caj huauquicunata panicunataca ima shinataj chai cantoca ayudarca?

• ¿Cambaj causaipi ima llaquicunata charijpitaj cantocunaca ayudai tucun?

• ¿Diosta alabangapajca ima cantocunatataj yuyaipi charinata munanguiman?