Mushujcunata, achca huatacunata tandanacuiman shamujcunatapish cꞌuyaihuan chasquishunchij (Ro 15:7; Heb 13:2). Shujtaj llajtamanta visitaj huauquichari shamunga o achca huatacunata tandanacuiman mana shamujchari cutin shamunga. Achca huatacuna qꞌuipa tandanacuiman shamushpaca, ¿canca ima shinataj sintiringuiman? ¿Manachu cꞌuyaihuan chasquichun munanguiman? (Mt 7:12). Chaimantami tandanacuicuna manaraj callarijpi, tucurishca qꞌuipapish tucuicunata cushicushpa saludana canchij. Chashnami tucuicuna cushilla sintirichun ayudashun (Mt 5:16). Tucuicunahuanca manachari parlanacui tucushun. Shinapish cada uno tucuicunata saludashpaca cꞌuyaihuan chasquishcatami ricuchishun. *

Jesús huañushcata yuyarina tandanacuipi, shujtaj tandanacuicunapipish tucuicunatami alli chasquinchij. Shinallataj tucui shunguhuan cꞌuyashcataca tucui horasmi ricuchinchij. Shungumanta cꞌuyashcata mushujcuna ricushpaca, Diosta alabashpami ñucanchijhuan tandalla paita adorasha ningacuna (Jn 13:35).