JESÚS SHINA CAUSASHUNCHIJ
Ima publicacioncunahuan huillanata alli agllashunchij
Jesusta catij tucuchun ayudanaca shuj huasita shayachicuj shinami can. Chaimantami yachachingapajca herramientacunata alli utilizana canchij. Bibliataca Diospaj Shimi cashcamantami yachachingapaj alli utilizana canchij (2Ti 2:15). Shinallataj ima publicacioncunahuan, videocunahuan huillanata alli agllashpaca Jesusta catij tucuchunmi gentecunataca ayudashun. *
¿Ima publicacioncunahuan huillanata agllashpaca ima shinataj alli huillai tucunchij? 1) Superintendente de grupo huauquitami ayudachun mañai tucunchij, 2) experienciata charij publicadorcunahuan, precursorcunahuanmi huillanaman llujshina canchij, 3) ima shina huillanatami cutin cutin repasana canchij. Cai publicacioncunahuan, videocunahuan huillashpa shujtajcunata ayudashpaca cushillami sintirishun.
REVISTACUNA
FOLLETOCUNA
LIBROCUNA
TRATADOCUNA
VIDEOCUNA
INVITACIONCUNA
JW.ORG PAGINATA RICUCHIJ TARJETA
^ par. 3 Huaquin publicacioncunaca mana tucui gentecunaman huillangapaj rurashcachu can. Chai publicacioncunataca minishtirijllapimi utilizana canchij.
