Jesusca juchayuj runacunamantami huañurca (Ro 5:8). Chashna shina cꞌuyaita ricuchishcamantami tucuicuna agradicinchij. Shinapish huauqui panicunamanta Jesús huañushcataca mana cungarinachu canchij. Paicunapish ñucanchij shina juchayujcunami can. Jesús cꞌuyashca shina huauqui panicunata cꞌuyangapajca quimsa yuyaicunata ricushun. Shujtaj llajtamanta, shujtaj culturamanta cajpipish huauqui panicunahuanca allimi apanacuna canchij (Ro 15:7; 2Co 6:12, 13). Imatapish nishpa, imatapish rurashpa mana shujtajcunata llaquichinachu canchij (Ro 14:13-15). Shujtajcuna llaquichijpipish utcami perdonana canchij (Lu 17:3, 4; 23:34). Jesús shina cangapaj esforzarijpica congregación ucupi tandalla sumajta causachunmi Jehová Diosca bendicianga.

¡ALLITA RURASHPA CATINGUI! NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Miki shuti panica imatataj huauqui panicunamanta yuyarca?

• ¿Imamantataj huauqui panicunataca mana alli ricui callarirca?

• ¿Jesuspaj ejemplopi yuyanaca ima shinataj paitaca ayudarca? (Mr 14:38).

• ¿Huauqui panicunata cꞌuyaihuan ricungapajca ima shinataj Proverbios 19:11-pi nishca shimicunaca ñucanchijta ayudai tucun?