Can entre 23 y 65 huatacunata charishpa, tiempo completota sirvicushpa, alli saludta charishpa, ashtahuan minishtishca lugarpi sirvisha nishpaca Escuela para Evangelizadores del Reino nishca solicitudtami jundachi tucungui. Cai escuela tiyashca punllamantami achca cusa huarmicunapish, soltero huauquicuna panicunapish cai escuelaman ringapaj solicitudta jundachishca. Pero soltero huauquicunami ashtahuan minishtirin. Chaimantami Jesús shina ashtahuan sirvina munaita charingapaj Yaya Diosta ayudahuai nishpa mañana cangui (Sl 40:8; Mt 20:28; Heb 10:7). Qꞌuipaca Yayitu Diosta ashtahuan sirvingapajmi cambaj causaipi cambiocunata rurana cangui.

¿Cai escuelapi graduarishca huauqui panicunaca ima shinataj Yayitu Diosta sirvicuncuna? Maijancunaca shujtaj shimita parlaj congregacionpimi sirvincuna. Mana cashpaca jatun llajtacunapimi carritocunahuan huillancuna. Huaquincunaca superintendente de circuito o misioneros shinami sirvincuna. Jehová Diosta ashtahuan sirvinata yuyacushpaca profeta Isaías ima nishcata yuyaringui. Paica: “Caipimi cani, ñucata cachahuai” nircami (Is 6:8).

MISIONEROCUNACA HUILLASHPAMI ACHCACUNATA AYUDANCUNA NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Misionerocunataca ima shinataj agllan?

• ¿Misionerocunaca ima alli trabajotataj rurancuna?

• ¿Misionerocunaca ima bendicioncunatataj chasquincuna?