Isaías shinallatajmi ñucanchijpish Diosta shungumanta servi tucunchij. Paica tucui shunguhuan Diospi crishcamantami mana tucuita alli yachashpapish shuj huillaj minishtishcata yachashpaca utca rircalla (Isa 6:8). Ashtahuan huillajcuna minishtirishca llajtacunapi ¿canpish cambaj familiapish servinaman ri tucunguichijchu? (Sl 110:3). Manaraj rishpami alli yuyana canguichij (Lu 14:27, 28). Diosmanta ashtahuan huillangapajca huaquin cosascunatami saquina canguichij (Mt 8:20; Mr 10:28-30). Shujtaj llajtapi servinamanmi rircanchij nishca videopi ricushca shinaca, Jehová Diosta ashtahuan servicushcamantaca ñucanchij saquishca cosascunatapish yalli bendicioncunatami chasquishun.

• ¿Familia Williamsca Ecuadorpi servinaman ringapajca imallatataj saquircacuna?

• Maipi servinaman ringapaj manaraj agllashpaca ¿imallapitaj paicunaca yuyarcacuna?

• ¿Paicunaca ima bendicioncunatataj chasquircacuna?

• ¿Ashtahuan huillajcuna minishtirishca llajtacunapi servinaman ringapajca ima publicacioncunatataj yachai tucunchij?

• ¿Tucui familia ashtahuan huillanaman llujshingapajca imatataj rurai tucunchij? (km-S 8/11 págs. 4-6).

• Shujtaj llajtapi servinaman mana ri tucushpapish ¿ima shinataj ñucanchij congregacionllapitaj ashtahuan Diosta servi tucunchij? (w16.03-S págs. 23-25).