JESÚS SHINA CAUSASHUNCHIJ
“Manténganse en el amor de Dios” librohuan yachachishpa shunguman chayashunchij
¿IMAMANTATAJ CAITA RURANA CANCHIJ?: Gentecunaca Dios mandashcacunata yachashpami paicunapaj causaipi pajtachina can, shinami Diospaj ñaupajpica alli ricuringacuna (Isa 2:3, 4). Yachachin libro qꞌuipaca “Amor de Dios” librohuanmi gentecunaman yachachina canchij. Cai libropica Dios munashca shina causangapaj imata ruranatami yachachin (Heb 5:14). Yachacujcunapaj shunguman Diospaj Shimi chayachunmi ayudana canchij. Chashnami paicunapaj causaipica shungumanta cambiocunata rurangacuna (Ro 6:17).
IMA SHINATAJ CAITA RURAI TUCUNCHIJ:
-
Yachacujpi yuyashpami alli prepararina canchij. Cai librota yachacushcamanta imata yuyashcatami tapuna canchij, chashnami ima shina sintirishcata, imata yuyashcatapish yachashun (Pr 20:5; be-S pág. 259).
-
Diospaj mandashcacunata pajtachina alli cashcata entendichunca cuadrocunamantapishmi yachachina canchij.
-
Yachacujllataj imatapish alli yuyashpa agllachunmi yachachina canchij. Imata ruranataca mana ninachu canchij (Gál 6:5).
-
Bibliapi yachachishcacunata pajtachingapaj ayudachun minishtishcata o mana minishtishcatami ricuna canchij. Jehová Diosta cꞌuyashcamanta cambiocunata rurachunmi cꞌuyaihuan yachachina canchij (Pr 27:11; Jn 14:31).
