¿IMAMANTATAJ CAITA RURANA CANCHIJ? Jehová Diosca humilde gentecuna paipaj Shimita yachachunmi saquishca. Chaimantami paicunaca huiñai causaita chari tucungacuna (Hch 13:48; 1Co 3:7). Chashna laya gentecunata ayudashpami ñucanchijca tandalla Dioshuan rurajcuna canchij (1Co 9:26). Paicunaca quishpiringapajca bautizarina cashcatami intindina can (1Pe 3:21). Bibliata yachacujcuna Jesusta catij tucuchunca ñaupa causaita saquichun, Diosmanta shujtajcunaman yachachichun, Diosman mingarichunpishmi ayudana canchij (Mt 28:19, 20).

¿IMA SHINATAJ CAITA RURAI TUCUNCHIJ?

• Jehová Diosta rijsichun, paipaj munaita rurachunmi gentecunamanca yachachinchij. Chaitami yachacujcunamanca siempre yuyachina canchij (Jn 17:3).

• Yachacujcuna tucui shunguhuan Diosta sirvichunca mana alli ruraicunamanta, mana alli amigocunamantapish caruyachunmi ayudana canchij.

• Crishcapi sinchiyarishpa catichunmi manaraj bautizarijpi, bautizarishca huashapish ayudana canchij (Hch 14:22).

CANTAPISH JEHOVAMI AYUDANGA VIDEOTA RICUSHCA QꞌUIPACA CAI TAPUICUNATA CUTICHI:

• ¿Maijancunaca imamantataj Diosman mingarinata, bautizarinatapish manchancuna?

• ¿Bibliata yachacujcuna Diosta sirvi callarichunca ima shinataj huauqui ancianocunaca ayudai tucuncuna?

• ¿Isaías 41:10-pica imatataj Jehová Diosmantaca yachachin?

• ¿Juchayujcuna cashpapish Jehová Diosta sirvingapajca imatataj rurana canchij?