Tarpushca muyu alli huiñachunca yacutami jichana canchij. Chashnallatajmi Bibliamanta gentecuna yachana munaita charichunca, yacuta jichaj shinami cutin visitana canchij (1Co 3:6). Huillacujpi gentecuna yachana munaita charijpica, cutin visitangapajmi shuj tapuita paicunapaj yuyaipi saquina canchij. Chashnami paicunapish yachana munaita charingacuna, ñucanchijpish tapuita cutichingapajmi alli allichirishun. Cutin visitanaman tigrashpaca tapuita cutichinamanmi shamurcani ni tucunchij.

• Huillangapaj prepararicushpaca, cutin visitangapaj ima tapuita paicunapaj yuyaipi saquinata yuyai. Tapuitaca can saquisha nishca publicacionmanta, mana cashpaca estudiota cuna publicacionmanta japishpami rurai tucungui. Cutin visitanaman tigrashpaca chai publicacionta ricuchingui.

• Yachana munaita charij gentecunahuan parlashca qˈuipaca, cutinmi canhuan parlanacusha nini nishpa, prepararicushpa can yuyashca tapuita rurai. Ima shuti cashcata, maipi causashcata tapungui.

• Can tigrasha nishca horaspimi tigrana cangui (Mt 5:37).