Jehová Diospaj ñaupajpica matrimonioca mana pugllaichu can. Paica cusapish huarmipish caishuj chaishuj shujlla shina causachunmi munan (Mt 19:5, 6). Diospaj pueblo ucupica achca matrimoniocunami alli ejemplota cuncuna. Pero juchayujcuna cashcamantami problemacuna tiyai tucun. Diosta mana sirvijcunaca ima problema tiyajpica separarina, divorciarinallami canchij nincunami. Pero mana chashna yuyanachu cangui. ¿Matrimonio ucupi cushilla causangapajca imatataj rurana cangui?

Cinco consejocunata yachashun.

1. Shujtajcunahuan ama asiringui, ama pugllaringuichu, huainayanahuan chagrurishca cosascunamanta caruyai (Mt 5:28; 2Pe 2:14).

2. Jehová Diospaj amigo cangapaj esforzari, paipaj ñaupajpi cambaj matrimonio alli ricurichun esfuerzota rurai (Sl 97:10).

3. Cꞌuyaj, llaquij, perdonaj, humilde cangapaj esforzari. Cambaj cusata o huarmita imatapish rurashpa ayudai, cushichi (Col 3:8-10, 12-14).

4. Cambaj cusahuan o huarmihuan parlanacui, respetotapish ricuchi (Col 4:6).

5. Chayarinacucushpa cꞌuyaita ricuchi (1Co 7:3, 4; 10:24).

Matrimoniota valorashpaca Jehová Diosta respetashcatami ricuchinchij.

AMA SHAICUSHPA CALLPASHUNCHIJ: CALLPACHUN NISHCA SHINA CALLPASHPA NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Matrimoniopica ima problemacunataj ricuri tucun?

• ¿Cusa huarmi cꞌuyaita ricuchishpa causachunca Biblia yachachishcacunaca ima shinataj ayudan?

• ¿Yaya Diosca cusa huarmi imata rurachuntaj mandashca?

• ¿Cusa huarmica cushilla causangapajca imatataj rurana canguichij?