¿Jatun tandanacuicunaman rinataca imamantataj munanchij? Ñaupa israelitacuna shina jatun tandanacuicunapica achca huauqui panicunahuanmi Jehová Diosta alabanchij. Chaipi Yayitu Diosmanta achcata yachashpa, familiacunahuan amigocunahuan pasashpami cushicunchij. Chaimantami quimsa punlla jatun tandanacuiman rinata munanchij.

Jatun tandanacuicunapi shujtajcunaman cꞌuyaita ima shina ricuchinatami yuyana canchij (Gál 6:10; Heb 10:24, 25). Por ejemplo, minishtishca asientocunallata separashpa, pi yaicucujpi punguta pascashpami shujtajcunata cꞌuyaita ricuchinchij (Flp 2:3, 4). Shinallataj mana rijsishca huauqui panicunahuanmi amigos cai tucunchij. Chaipajca tandanacui manaraj callarijpi o tucurishca qꞌuipa o almuerzo horasmi paicunahuan parlanalla canchij (2Co 6:13). Huauqui panicunahuanca huiñai huiñaicamami amigos cai tucunchij. Cꞌuyaita ricuchinacujpica shujtajcunaca Jehová Diostami sirvisha ningacuna (Jn 13:35).

“CꞌUYAICA MANATAJ TUCURINGACHU” JATUN TANDANACUICUNA NISHCA VIDEOTA RICUSHCA QꞌUIPA CAI TAPUICUNATA CONTESTAI:

• 2019-pi tiyaj jatun tandanacuipica huauqui panicunaca shujtaj llajtacunamanta shamuj huauqui panicunataca ¿ima shinataj cꞌuyaita ricuchircacuna?

• ¿Imamantataj huauqui panicunata cꞌuyaita ricuchina canchij? ¿Imamantataj paicunahuan tandalla cana canchij?

• ¿Cuerpo Gobernantemanta huauquicunaca cꞌuyaita ricuchinamantaca imatataj yachachirca?

• ¿Alemania y Corea del Sur llajtacunapi huauqui panicunaca ima shinataj cꞌuyaita ricuchircacuna?

• ¿Imatataj tucui shunguhuan rurana canchij?