Diospaj Shimimanta yachashpaca cushilla causaitami charishun (Heb 4:12). Pero Bibliapi tiyaj yachachishcacunamanta beneficiaringapajca Biblia, Diospaj shimi cashcatami crina canchij (1 Te 2:13). ¿Biblia Diospaj shimi cashcata alli intindingapajca imatataj rurana canchij?

Bibliataca punllantami liyina cangui. Jehová Diosllataj Bibliata quillcachishcata cuentata cungapajca Bibliapimi alli ricuna cangui. Por ejemplo, Proverbios librota liyicushpaca chaipi tiyaj consejocuna cambaj valishca cashcatami intindingui (Pr 13:20; 14:30).

Alli investigai. Biblia Diospaj shimi cashcata yachangapajca chꞌican chꞌican publicacioncunapimi investigai tucungui. Por ejemplo, Guía de estudio para los testigos de Jehová nishca librota mashcashpami chaipica “La Biblia”, “Inspirada por Dios” nishcacunata ricui tucungui. Mana cashpaca Traducción del Nuevo Mundo Bibliapi, Apéndice A3 nishcatami yachai tucungui.

¿IMAMANTATAJ ÑUCANCHIJCA . . . DIOSPAJ SHIMIPI CRINCHIJ? NISHCA VIDEOTA RICUI. QꞌUIPACA CAI CATIJ TAPUICUNATA CUTICHI:

• ¿Egiptopi saquirij Karnak templopaj patacunapi tiyaj dibujocunaca Biblia verdad cashcataca ima shinataj ricuchin?

  Respuesta

• ¿Bibliapaj yuyaicunata mana cambiashcataca ima shinataj yachanchij?

  Respuesta

• Bibliata tucuchisha nishpapish mana chingachishcacunachu. ¿Chaita yachashpaca imamantataj Biblia Diospaj Shimi cashcata cringui? (Isaías 40:8-ta liyipai).

  Respuesta