Cai tucuri punllacunapica sinchi llaquicunatami charinchij. Chai llaquicunaca maipica mana ahuantaipaj layami can. Pero Jehová Diosmanta mana caruyajpica paillatajmi ima llaquicunata ahuantangapaj ayudanga (Is 43:2, 4). ¿Jehová Diospajman ashtahuan cꞌuchuyangapajca imatataj rurana canchij?

Diosta mañai. Shungumanta Jehová Diosta mañajpica paillatajmi tranquilo, alli sintirichun ayudanga (Flp 4:6, 7; 1Te 5:17).

Tandanacuicunaman ri. Cai tiempopica espiritualmente alli alimentarinata, ñucanchij huauqui panicunahuan tandalla canatami ashtahuan minishtinchij (Heb 10:24, 25). Tandanacuicunapaj prepararijpi, chaipi participajpica Jehová Diosca paipaj espíritu santohuanmi ñucanchijta ayudanga (Ap 2:29).

Huillanaman llujshi. Gentecunaman predicashpaca Dios cusha nishcacuna yuyaillami canchij. Shinallataj predicacushpaca Jehová Dioshuanpish, huauqui panicunahuanpishmi alli amigos tucunchij (1Co 3:5-10).

JEHOVAMI CANTACA AYUDANGA NISHCA VIDEOTA RICUSHCA QꞌUIPACA CAI CATIJ TAPUICUNATA CUTICHI:

• ¿Pani Maluca llaquicunahuan cashpa Jehová Diospajman cꞌuchuyangapajca imatataj rurarca?

  Respuesta

• Salmo 34:18-pi nishca shinaca ¿llaquicunahuan cashpaca imatataj yuyarina canchij?

  Respuesta

• ¿Jehová Diosca pani Maluta ayudashca shinallataj ñucanchijtapish ima shinataj ayudanga? (2Co 4:7).

  Respuesta