8-14 de enero
JOB 34, 35
Canto 30, mañaipish | Callari shimicuna (1 min.)
1. ¿Allita rurashpapish imamantataj llaquicunata charinchij?
(10 mins.)
Yaya Diosca mana allitaca ima horapish manataj ruranchu (Job 34:10; wp19.1 pág. 8 párr. 2).
Maijancunaca mana allicunata rurajpipish paicunataca pi imata mana ninchu. Pero Jehová Diosmi paicunata ricucun (Job 34:21-26; w17.04 pág. 10 párr. 5).
Shujtajcunapaj culpamanta llaquicunata charijcunata ayudangapajca Diosmantami yachachina canchij (Job 35:9, 10; Mt 28:19, 20; w21.05 pág. 7 párrs. 19, 20).
2. Bibliapi curita mashcaj shina mashcashunchij
(10 mins.)
Job 35:7. Elihuca Jobtaca: “¿Diosca imatataj cambaj maquimantaca japinga?” nishpami tapurca. ¿Imamantataj chashna tapurca? (w17.04 pág. 29 párr. 3).
¿Cai semanapi Bibliata liyicushpaca ima sumaj yuyaicunatataj tarishcangui?
3. Bibliata liyishunchij
(4 mins.) Job 35:1-10 (th yachai 10).
4. Parlanacushpa callari
(3 mins.) HUASIN HUASIN HUILLACUSHPA. Bibliamanta estudiota callarichi (lmd yachai 10 punto 3).
5. Parlanacushpa callari
(4 mins.) MAIPI CASHPAPISH. Uchilla huahuacunata charijman jw.org paginapi yaya mamacunapaj yachaicunata ima shina tarinata ricuchi (lmd yachai 1 punto 4).
6. Discipulocunata rurai
(5 mins.) lff yachai 13 punto 5 (lmd yachai 11 punto 3).
Canto 58
7. ¿“Diospaj shimitaca” maipi cashpapish cushillachu huillangui?
(15 mins.) Parlanacushpa yachachi.
Pabloca Timoteotaca Diospaj shimita utca huillachunmi animarca (2Ti 4:2). Griego rimaipica “utca huillai” nishpaca shuj soldado guerraman ringapaj tucui horas listo cana cashcatami nicun. Ñucanchijcunapish pihuan parlacushpaca Diosmanta yachachingapajmi siempre listos cana canchij.
Jehová Diosta achcata cꞌuyashcamanta, pai ñucanchijta ayudashcamantami shujtajcunamanpish paimanta yachachishun ninchij.
Salmo 71:8-ta liyichishca qꞌuipaca cai tapuita rurai:
¿Jehová Diosmantaca imallatataj shujtajcunaman yachachisha ningui?
Gentecunata cꞌuyashcamantami maipi cashpapish paicunaman predicasha ninchij.
Achcacunaca Yaya Diostaca ¿ima shinataj rijsircacuna? VIDEOTA churai. Chai qꞌuipaca cai tapuicunata rurai:
¿Shuj huauqui trabajopi huillashcamantaca achca gentecunaca ima shinataj beneficiarircacuna?
¿Panda religionta saquishcamantaca maijancunaca ima shinataj sintirircacuna?
¿Gentecunata cꞌuyashcamantaca imatataj rurana canchij?
¿Maipi cashpapish huillanaca imamantataj alli can?
8. Tandanacushcacunahuan Bibliata yachashun
(30 mins.) bt yachai 4, página 33-pi tiyaj recuadropish.
