Jesús cai Allpapi cashpaca “cambaj yayata mamata alli ningui” nishca mandashcatami yuyachirca (Éx 20:12; Mt 15:4). Paica joven cashpaca paipaj yaya mamata cazushpami causarca. Chaimantami chai shimicunataca nirca (Lu 2:51). Shinallataj manaraj huañushpaca paipaj mamata cuidachunmi Juanman mingarca (Jn 19:26, 27).

Cunan punllapi Diosta sirvij jovencunaca respetashpa, cazushpami paicunapaj yaya mamata alli nishcataca ricuchincuna. Yaya mama yuyajyajpipish huahuacunaca paicunata respetashpa, cazushpami causana can (Pr 23:22). Shinallataj yaya mama yuyajyajpica ima minishtishcata cushpa, cullquihuanpishmi paicunata ayudana canchij. Chashnami paicunataca alli nishcata ricuchishun (1Ti 5:8). Joven cashpapish mayor cashpapish yaya mamahuan parlanacushpami paicunata respetashcata ricuchishun.

IMA SHINATAJ CAMBAJ YAYA MAMAHUAN PARLAI TUCUNGUI NISHCA VIDEOTA RICUSHCA QꞌUIPA CATIJ TAPUICUNATA CUTICHI:

• ¿Imamantataj yaya mamahuan parlanaca sinchi can?

• ¿Yaya mamahuan parlashpaca ima shinataj paicunata respetashcata ricuchi tucungui?

• ¿Imamantataj cambaj yaya mamahuan parlana cangui? (Pr 15:22).