¿IMAMANTATAJ MINISHTIRISHCA CAN? Shungupi tiyashca yuyaicunaca ucujman tiyaj yacu shinami can. Alli tapuicunata rurashpallami imata yuyashcataca yachai tucunchij (Pr 20:5). Alli yuyashca tapuicunaca huasiyuj ñucanchijhuan parlachunmi ayudanga. Ashtahuanpish huasiyuj imata yuyashcata, imata munashcatami yachai tucushun. Jesusca alli tapuicunata rurashpami yachachij carca. ¿Ima shinataj Jesús rurashca shina rurai tucunchij?

¿IMA SHINATAJ RURAI TUCUNCHIJ?

• Imata yuyashcata tapui: Jesusca paita catijcuna imata yuyashcata yachangapajca achca tapuicunatami ruraj carca (Mt 16:13-16; be-S pág. 238 párrs. 3-5). ¿Imata yuyashcata yachangapajca ima tapuicunatataj rurai tucungui?

• Intindichingapaj tapuicunata rurai: Pedro panda yuyaicunata charijpica Jesusca alli intindichunmi huaquin tapuicunata rurarca (Mt 17:24-26). ¿Ima tapuicunata rurashpataj Bibliata yachacujtaca intindichi tucungui?

• Cutichishcamanta pagui ni: Shuj yachaj runa “alli yuyarishpa cutichijta ricushpami” Jesusca allimi cutichishcangui nirca (Mr 12:34). ¿Huasiyuj shuj tapuita cutichijpica imatataj ni tucungui?

JESÚS SHINA ALLI YACHACHISHUNCHIJ NISHCA VIDEOMANTA CALLARI PARTETA RICUSHCA QꞌUIPACA CAI TAPUICUNATA CUTICHI:

• Bibliamanta yachachicushpapish, ¿cai huauquica imamantataj mana alli yachachirca?

• ¿Yachachicushpaca imamantataj mana ñucanchijlla parlana canchij?

VIDEOTAMANTA TUCURI PARTETA RICUSHCA QꞌUIPACA CAI TAPUICUNATA CUTICHI:

• ¿Imamantataj cai huauquica alli tapuicunata rurashpami yachachirca ni tucunchij?

• ¿Cai huauquimantaca imatataj ashtahuan yachai tucunchij?