Dios cusha nishcata shuyanami ñucanchijtaca sinchiyachin (Heb 6:19). Chaita shuyacushcamantami jatun acapana shina ima llaquicuna japijpipish Diosta servishpa catinchij (1Ti 1:18, 19). Chai acapana shina llaquicunaca: Ñucanchij pandarishcacuna, imalla charishcacunata chingachina, shuj millai ungüita charina, shuj cꞌuyashca familia o amigo huañujpi, shujtaj llaquicunapishmi Jehovamanta caruyachisha nin.

Dios cusha nishcacunapi tucui shunguhuan crishpa shuyanami, paica pajtachinataj cashcata crichun ayudanga (2Co 4:16-18; Heb 11:13, 26, 27). Chaimanta jahua pachapi o cai Allpapi causanata shuyacushpapish Dios cusha nishcacunapimi siempre yuyana canchij. Chashnami jatun llaquicunata chꞌimbapuracushpapish cushicushpa shuyashun (1Pe 1:6, 7).

“DIOS CUSHA NISHCATA CUSHICUSHPA SHUYASHUNCHIJ” NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Moisesmantaca imatataj yachai tucunchij?

• ¿Familiata pushajca imatataj rurana can?

• ¿Familiahuan Diosta adoracushpaca imallatataj yachai tucunchij?

• ¿Dios cusha nishcacunata shuyanaca ima shinataj llaquicunata ama manchashpa chꞌimbapurangapaj ayudan?

• ¿Imatataj ashtahuan pajtarichun munangui?