ALLI YACHACHIJCUNA CASHUNCHIJ | ALAJATA YACHACHISHUNCHIJ
Shunguman chayajta
Gentecunaman yachachicushpaca paicunapaj shungumanmi chayana canchij. Chashnami paicunapish Diostaca shungumanta cazungacuna (Pr 3:1).
Yachacujcunamanca Bibliata yachashpa alli causaita charinata, Diospaj amigo tucunatapish yachachishunchij. Shinallataj Jehová Dios cꞌuyaj, llaquij, allita ruraj cashcamanta Bibliapi tiyaj mandashcacunata cushcatami intindichina canchij. Pero yachacujcunapaj shunguman chayangapajca paicuna imata yuyashcatami yachana canchij. Chaipajca paicunataca respetohuanmi tapuicunata rurana canchij. Ashtahuanpish panda yuyaicunata saquishpa, mana alli ruraicunata saquishpa ima beneficiocunata chari tucushcatami intindichina canchij. Yachacujcuna Yayitu Diosta cꞌuyai callarijpica ñucanchijpish cushillami sintirishun.
JESUSTA CATIJCUNA TUCUCHUN AYUDASHPA CUSHICUSHUNCHIJ. ALLI YACHACHIJCUNA CASHUNCHIJ: SHUNGUMAN CHAYAJTA YACHACHISHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:
-
¿Ritaca imamantataj Coraltaca lunes punllapi parlanacushcata tapurca?
-
¿Ritaca Coralmanca Jehová Dios ñucanchijta cꞌuyashcamanta Bibliapi tiyaj mandashcacunata cushcataca ima shinataj intindichirca?
-
Yachacujcunapaj shunguman chayajpica paicunaca Jehová Diostami sirvisha ningacuna.
¿Ritaca Jehová Diosta cꞌuyachunca ima shinataj Coralta ayudarca?
