Cai millai mundo manaraj tucurijpica Jehová Diosta ashtahuan sirvingapajmi metacunata churarina canchij. Chashnami ñucanchij tiempota, fuerzatapish alli utilizashun (1Co 9:26; Ef 5:15, 16). Familiahuan Bibliamanta yachacushpaca ima metacunallata churari tucushcatami parlanacui tucunguichij. Cai yachana pꞌangapica ima metacunata churari tucunamantami parlan. Caicunata pajtachingapajca Diosta mañashpa alli yuyai (Snt 1:5).

Por ejemplo, cambaj familiamanta maijan precursor regular cachunmi huasi ucupuracunallataj ayudai tucunguichij. Horascunata mana pajtachi tucushachu nishpa yuyacushpapish experienciata charij precursorcunata consejota mañai (Pr 15:22). Cambaj familiahuan Bibliamanta yachangapajpish huaquin precursorcunatami invitai tucungui. Paicunataca: “¿Ima shinataj horascunata pajtachinguichij?” nishpami tapui tucungui. Mana cashpaca canca precursorchari carcangui. Cunanca cutin precursor canapi yuyai.

¿Shuj quillata o huaquin quillacunata precursor auxiliar canatapish yuyashcanguichu? Ima ungüimanta mana tanto fuerzasta charishpapish precursor auxiliarmi cai tucungui. Tiempo completota trabajashpapish o escuelapi cashpapish vacacionescunapimi precursor auxiliar cai tucungui. Mana cashpaca cinco sábado, domingo punllacunata charin quillacunapimi precursor auxiliar cai tucungui. Ima quillapi precursor casha nishcatapish anotai. Horascunata pajtachingapaj shuj horariotapish rurai (Pr 21:5).

“AMA MANCHAICHU: PRECURSOR CANATA” NISHCA VIDEOTA RICUSHCA QꞌUIPACA CAI TAPUITA CUTICHI:

• ¿Videopi ricushca shinaca Jehová Diosca precursorcunata cꞌuyashcata, cuidashcataca ima shinataj ricuchin?