Jehová Diosca familiacuna cushilla causachunmi munan (Sl 127:3-5; Ec 9:9; 11:9). Pero huaquinpica shaicushca o preocupados cashcamantami familia ucupi cushilla causanaca sinchi can. Shinaca, ¿cushilla causangapajca imatataj cada uno rurana canchij?

Alli cusaca paipaj huarmitaca respetohuanmi tratan (1Pe 3:7). Paihuan pasangapajpish tiempotami llujshichin. Pai rurai pudishcallata rurachunmi mañan. Shinallataj paitapish, huahuacunatapish ayudashcamantami shungumanta pagui nin (Col 3:15). Cantaca achcatami cꞌuyani nishpapishmi cushichin (Pr 31:28, 31).

Alli huarmica paipaj cusataca tucuipimi apoyan (Pr 31:12). Shinallataj paitaca shungumantami cazun (Col 3:18). Ashtahuanpish paipaj cusataca cꞌuyaihuanmi tratan, shujtajcunamanpish paimantaca allicunallatami nin (Pr 31:26).

Alli yaya mamacunaca paicunapaj huahuacunahuan pasangapajmi tiempota llujshichin (Dt 6:6, 7). Paicunapaj huahuacunataca achcata cꞌuyashcatami nin (Mt 3:17). Shinallataj cꞌuyaihuanmi paicunataca disciplinan (Ef 6:4).

Alli huahuacunaca yaya mamataca tucuipimi cazun (Pr 23:22). Paicuna ima yuyashcata, ima shina sintirishcatapishmi huillan. Shinallataj corregichunmi saquin (Pr 19:20).

FAMILIAHUAN CUSHILLA CAUSANGAPAJ NISHCA VIDEOTA RICUSHCA HUASHACA CAITA CUTICHI:

¿Chai familiaca cushilla causangapajca imatataj rurarca?