Jehová Diosta ashtahuan sirvingapaj, paita cushichingapajmi metacunata churarina canchij. Chai metacunata pajtachingapajca sinchitami esforzarina canchij. Chashnami Yayitu Diosman ashtahuan cꞌuchuyashun (1Ti 4:15). ¿Imamantataj ñucanchij metacunapi yuyangapaj tiempota surcuna canchij? Causaipica siempremi cambiocuna tiyan. Chaimantachari huaquin metacunataca ña mana pajtachi tucushun. Mana cashpaca huaquin metacunataca ñachari pajtachircanchij. Chaimi ima mushuj metacunata churari tucushcata yuyana canchij.

Manaraj septiembre callarijpimi ñucanchij metacunapi yuyai tucunchij. Caimantaca familiahuan Bibliata estudiacushpami parlanacui tucunchij. Cada uno o tucui familia ima metacunata churarisha nishcatami parlanacuna canchij.

¿Cai catij metacunata pajtachingapajca imatataj rurasha ningui?