Videocunaca gentecunapaj shungumanmi chayan. Gentecunaca uyashpa, ricushpami ashtahuan yachancuna. Ricushcata, uyashcataca mana cungarincunachu. Jehová Diosca paita servijcunataca alli entendichingapajmi muscuipi shina ricuchishpa yachachirca (Hch 10:9-16; Ap 1:1).

Alli huillaicuna folletomanta lección 2 y 3-ta yachachicushpaca ¿Diosca ima shutitaj can?, ¿Bibliataca pitaj rurarca?, ¿Biblia mana llullashcataca imamantataj crina canchij? nishca videocunata ricuchingui. Ashtahuanpish gentecuna Bibliata yachachun, tandanacuicunaman richunca ¿Imamantataj Bibliamanta yachana canchij?, ¿Ima shinataj Bibliamanta yachachinchij?, ¿Ñucanchij tandanacuicunapica imatataj ruranchij? nishca videocunami ayudanga. Huaquin videocunata, peliculacunataca Bibliamanta yachachicushpa ricuchinallami canchij (km-S 5/13 3).

• Ima videota ricuchisha nishcata Internetmanta surcui.

• Huillanaman manaraj llujshishpa videomanta imata tapunata yuyai.

• Videota tandalla ricuichij.

• Videopi imata yachachishcata parlanacuichij.

• Tratado nishca pˈangacunapi tucuri paginata ricuchi. Chaipica: ¿Imamantataj Bibliamanta yachana canchij? videota ricungapajca caipi caj codigota escaneai ninmi.

• ¿Biblia mana llullashcataca imamantataj crina canchij? nishca videota ricuchi. Qˈuipaca Alli huillaicuna folletota cushpa lección 3-manta parlai.