JESÚS SHINA CAUSASHUNCHIJ
Redes socialesta utilizashpaca llaquicunamanta cuidari
¿IMAMANTATAJ MINISHTIRISHCA CAN? Shujtaj ruraicuna shinallataj alli cajpipish redes socialesta mana alli utilizashpaca llaquicunatami charishun. Huaquincunaca familiahuan, amigocunahuan parlangapajmi uitilizancuna, cutin shujtajcunaca imapaj mana utilizancunachu. Pero Diabloca redes socialesta mana alli utilizachunmi munan. Chashna rurashpaca Diosmantami caruyashun. Bibliapi tiyaj consejocunata catishpaca Jesús rurashca shinami llaquicunamanta utca caruyashun (Lu 4:4, 8, 12).
LLAQUICUNA
-
Yalli tiempota pasana. Achca horascunata internetpi o redes socialespi pasashpaca Diospajta rurangapajca tiempota mana charishunchu.
Bibliapi tiyaj consejocuna: (Ef 5:15, 16, Traducción del Nuevo Mundo (NM); Flp 1:10, NM)
-
Mapa ruraicunata ricuna. Mana alli ruraicunata ricushpaca lluchulla cꞌaricuna huarmicuna mapata ruracujta ricuna juchapimi urmashun, mana cashpaca huainayana juchapimi urmashun. Shinallataj Diospaj contracuna quillcashcata leyishpaca Diosmantami caruyashun.
-
Mapa shimicunata escribina, yanga fotocunata churana. Runapaj shungu umajlla cashcamantami huaquinpica mapa shimicunata, yanga fotocunatapish Internetpi churai tucun. Chashna rurashpaca paillatajmi llaqui tucunga, shujtajcunatapishmi llaquipi churanga.
ALLI YUYASHPA INTERNETTA UTILIZAI NISHCA VIDEOTA RICUSHCA QꞌUIPACA URAPI RICURIJ LLAQUICUNAMANTA IMA SHINA CARUYANA CASHCAPI YUYAI: