Jobca Uz llajtapimi causarca. Chai punllacunapica israelitacunaca Egipto llajtapimi esclavocuna shina causarca. Mana israelita cashpapish Jobca tucui shunguhuanmi Jehová Diosta cazurca. Paica jatun familiatami charirca. Cashcata ruraj cashcamanta, tucuita yachaj cashcamantami rijsishca carca. Shinallataj yallitaj charij cashpapish mana mitsashpami huajchacunaman cuj carca. Jobca ima pandata mana rurajchu carca.

1:8-11, 22; 2:2-5

• Jobca Diosta tucuipi cazuj cashcatami Diabloca ricurca. Chaimantami Jobtaca mana cˈuyaimantachu Diosta cazun nishpa juchachirca.

• Diabloca Dios bendiciashcallamantami Jobca cazun nircami.

• Diablo llullacushcata ricuchingapajmi Jehová Diosca Jobta llaquichichun saquirca. Chaimantami Diabloca tucui laya llaquicunata churashpa Jobta llaquichirca.

• Jobca ima pandata mana rurashcamantami, Satanasca tucui gentecunataca Dios bendiciashcallamantami cazun nishpa juchachirca.

• Jobca paipaj llaquicunamantaca Diosta mana cˈamircachu, mana juchachircachu.