ALLI HUILLAJCUNA TUCUSHUNCHIJ
Alli huillajcuna tucushunchij. Publicacioncunahuan huillangapaj prepararishunchij
¿IMAMANTATAJ CAITA RURANA CANCHIJ?: Cai pˈangapica, huillangapaj alli yuyaicunami tiyan. Shinapish cambaj shimillapitaj ima shina huillanatami allichiri tucungui. Chai temallamantatajmi shujtaj yuyaicunahuan prepararishpa parlai tucungui. Chashnallataj cambaj llajtapi imata yachasha nishcatami parlai tucungui. Chaipajca publicacioncunata rezangui. Qˈuipaca cai pˈangapi página 1-pi tiyaj yuyaicunata, huillangapaj videocunatapish ricushpami ima shina huillanata prepararina cangui.
¿IMA SHINATAJ RURAI TUCUNCHIJ?:
¿Página 1-pi tiyaj yuyaicunahuanchu parlasha ningui?
ARI
-
Saludashca huasha imamanta visitacushcata rato parlangapaj imata nigrishcata yuyai. (Ejemplo: “Ñucaca Bibliamanta parlangapajmi shamushcani”.)
-
Tapushca qˈuipaca, versota manaraj rezashpa imata ninapi yuyai. Versota rezashca qˈuipapish publicacionta manaraj saquishpa imata ninapi yuyai. (Ejemplo. Bibliapaj versota manaraj rezashpaca cashnami ni tucungui: “Diospaj Shimica caitami yachachin”.)
MANA
-
Cambaj llajtapi gentecuna imata yachasha nishcata ricushpa publicacioncunamanta shuj temata huillangapaj agllai.
-
Yuyachingapaj shuj tapuita rurashpaca cutichichun saqui. Tapuicunata rurashpaca mana pingaipichu churana cangui. (Ejemplo: Publicación ucupi ricurij tapuicunatami rurai tucungui).
-
Shuj versota agllashpa rezai. (Bibliamanta ashallata yachajcunapaj o religioncunapi ña mana crijcunapaj publicacionta saquicushpaca, shuj versota rezanaca mana minishtirinchu.)
-
Chai temata huasiyuj rezajpi imashina paita ayudanata parlangapaj preparari
IMATA RURASHPAPISH
-
Cutin visitangapaj shuj tapuita paicunapaj yuyaipi saquinata yuyai.
-
Cutin visitashpa imata parlanata yachangapajca quillcanata ama cungangui.
