BIBLIAPI TIYAJ VALISHCA YUYAICUNA | JEREMÍAS 12-16
Israelitacunaca Jehová Diostami cungarircacuna
Chumbita pacanaman rina mana jahualla cajpipish Jeremiasca cazurcami. Chashnami Diosca Judapi, Jerusalenpi millai shungu gentecunata tucuchina cashcata ricuchirca.
Jeremiasca shuj lino chumbitami randirca
Jer 13:1, 2
-
Chumbillirishca canaca israelitacuna Dioshuan alli amigocuna cashcatami ricuchirca.
Jeremiasca Éufrates yacu cꞌuchumanmi chumbita aparca
Jer 13:3-5
-
Éufrates yacu cꞌuchu, cꞌaca jutcupi pacashpami Jerusalenman tigrarca.
Jeremiasca chumbita apanamanmi Éufrates yacuman tigrarca
Jer 13:6, 7
-
Chumbica ñami ismushca carca.
Chumbita apamushca qꞌuipami Diosca imamanta chaita rurachun mandashcata Jeremiasman huillarca
Jer 13:8-11
-
Chumbita pacanaman rinaca mana minishtirishca laya ricurijpipish Jeremiasca Diostami cazurca. Chashnami Diosca israelitacuna mana alli ruraicunata saquichun munashcata ricuchirca.
