25:1-12

Jesús chunga solteracunamanta parlashca chꞌimbapurai ungidocunapaj cajpipish tucuicunami chaimantaca yachai tucunchij (w15-S 15/3 págs. 12-16). “Ima punlla, ima hora Runa Aichayuj shamunata mana yachashcamanta, chaparacuichij” (Mt 25:13). ¿Jesuspaj chꞌimbapuraimantaca parlai tucunguichu?

• Novio (v. 1): Jesús.

• Alli yuyaiyuj o allichirishca shuyacuj solteracuna (v. 2): Tucui shunguhuan Diosta sirvij ungidocunami can. Paicunaca Dios mingashcata pajtachishpami tucuringacama luz shina achijyachicuncuna (Flp 2:15).

• “¡Ñami novioca shamun!” caparishca (v. 6): Jesús mandai callarishcatami ricuchin.

• Yuyai illaj solteracuna (v. 8): Huaquin ungidocuna noviota tupanaman llujshishpapish mana rijcharishca cashcamanta Diosta sirvinata saquishcatami ricuchincuna.

• Alli yuyaiyuj solteracunaca paicunapaj aceiteta mana cusha nircacunachu (v. 9): Ungidocuna jahua pachaman ringapaj sellota chasquishca qꞌuipaca mana cazuj ungidocunataca mana ayudai tucungacunachu.

• “Novio ña chayamujpica” (v. 10): Jesusca jatun llaqui punlla tucuricujpimi juzgangapaj, millaicunata llaquichingapaj shamunga.

• Alli yuyaiyuj solteracuna noviohuan bodata rurana huasiman yaicujpimi, pungutaca huichcarca (v. 10): Jesús jahua pachapi ungidocunata tandachijpica yuyai illaj solteracuna shina mana cazujcunaca jahua pachamanca mana ringacunachu.