¿IMAMANTATAJ MINISHTIRISHCA CAN? Bibliamanta yachacuj preparishpaca allimi intindinga, imata yachacushcatami qꞌuipaca yuyaringa. Chashna rurashpami Diosta ashtahuan cꞌuyanga. Bautizarishca qꞌuipapish rijcharishca cangapajmi tandanacuicunapaj, huillangapajpish prepararinata minishtinga (Mt 25:13). Bibliata estudiangapaj prepararinaca tucuipimi ayudanga. Chaimantami callarimantapacha Bibliamanta yachacujcunataca ima shina prepararinata yachachina canchij.

¿IMA SHINATAJ YACHACHISHUN?

• Alli prepararishunchij (Ro 2:21). Bibliata yachacujpi yuyashpami imata yachagrishcata prepararina canchij (km-S 11/15 pág. 3). Ñucanchij publicacioncunapi prepararishcatami ricuchina canchij.

• Paillataj prepararichun animashunchij. Cada semana Bibliata estudiai callarijpica imamanta, ima shina prepararinatami yachachina canchij. Shinallataj ocupado cashpapish tiempota surcuna cashcatapishmi yachachina canchij. Huaquincunaca Bibliamanta estudiacushpaca paicunapaj publicacionpi prepararishcata ricuchunmi yachacujman cushcacuna. Yachacuj prepararijpica felicitanami canchij.

• Prepararinata yachachishunchij. Bibliamanta yachachi callarishpallatajmi huaquincunaca ima shina prepararinata yachachincuna.