20:28

Jatun tucushca escribacunapish fariseocunapish shujtajcuna ricuchunllami imatapish rurajcuna carca (Mt 23:5-7). Jesusca humildemi carca. ‘Runa Aichayujca, sirvishca cangapajca mana shamurcachu. Ashtahuanpish sirvingapajmi shamurca’ (Mt 20:28). ¿Ñucanchijca? ¿Shujtajcuna alli nichunllachu Diosta sirvingapajca esforzarinchij? Jehová jatunyachichunca Jesús shinami shujtajcunataca llaquishpa ayudana canchij. Chai ruraicunata pi mana ricujpipish Jehová Diosca ricucunmi (Mt 6:1-4). ¿Humilde cashpaca ima ruraicunatataj pajtachishun?

• Tandanacuna huasita pꞌichashpa, allichishpapishmi ayudashun.

• Yuyajcunata, shujtaj huauqui panicunatapishmi imata minishtijpica ayudashun.

• Diosmanta huillashpa catichunmi cullquita cushpa ayudashun.