Videocunata, dibujocunata ricushpami imatapish intindinchij, imata yachashcatapish yuyarinchij. Jehová Diosca cashna laya ayudacunata utilizashpami yachachirca (Gé 15:5; Jer 18:1-6). Jesuspish chashnallatajmi yachachirca (Mt 18:2-6; 22:19-21). Cunan punllacunapipish gentecunaman yachachingapajca achca videocunatami charinchij. ¿Bibliamanta yachacujcunamanca videocunataca ricuchicunchijchu?

Dios cushca alli huillaicuna nishca folletomanta yachachingapajca 10 videocunatami charinchij. Videocunapaj huaquin titulocunaca folletollapitajmi tiyan. Cai folletotaca jw.org paginapimi ricui tucunchij. Cai folleto ucullapitajmi ima temamanta yachachingapaj shuj video tiyan. Shinallataj huillangapaj agllashca publicacioncunata ashtahuan intindichingapajmi shujtaj videocunapish tiyan.

Bibliamanta yachacujcuna llaquita charijpi o mana alli intindijpica jw.org® paginapi o JW Broadcasting® programapi tiyaj videocunata ricuchishpa yachachi.

Cada quillami mushuj videocuna llujshin. Cai videocunata ricushpa ima shina shujtajcunata ayudangapaj preparari.