¿IMAMANTATAJ MINISHTIRISHCA CAN? Mana ricuj gentecunaca mana rijsishcacunahuan parlanataca mana tanto munancunachu. Chaimantami paicunaman Bibliamanta yachachingapaj esforzarina canchij. Mana ricuj gentecunataca Jehová Diosca achcatami cꞌuyan (Le 19:14). Ñucanchijpish Jehová Dios shina cꞌuyaita ricuchishpa paicuna Diosta rijsichun ayudashunchij.

¿IMATATAJ RURAI TUCUNCHIJ?

• Paicuna maipi cashcata mashcai (Mt 10:11). ¿Mana ricuj familiata pi charishcata yachanguichu? ¿Congregación huillan ladopi ciegocunapaj publicacioncunata charisha nij escuelacuna, yuyajcunata cuidana huasicuna o shujtaj instituciones tiyashcata yachanguichu?

• Mana ricujcunamanta preocuparishcata ricuchi. Paicunamanta shungumanta preocuparishcata ricuchijpica allimi sintiringacuna. Paicuna munashca yuyaimanta parlashpa callari.

• Diosta rijsichun ayudai. Mana ricuj gentecunata ayudangapajca chꞌican chꞌican publicacioncunatami llujchishcanchij. Paicuna ima shina yachasha nishcata tapui. Superintendente de servicio huauquica publicacioncunata cuj huauquitami mana ricujcuna mañashca publicacioncunata charichun asegurana can.