Ima pruebata charishpa, chai prueba mana rato tucurijpica maipica ratomi desanimarinchij. Davidca rey Saúl paita llaquichijpipish Jehová Dios quishpichinatami yacharca. Qꞌuipacarin paillataj rey cana cashcatami yacharca (1Sa 16:13). Paica sinchi feta charishcamantami Jehová Dios ayudangacama pacienciahuan shuyarca.

Ñucanchijpish ima pruebata charishpaca chaita allichingapajmi esforzari tucunchij (1Sa 21:12-14; Pr 1:4). Pero maijan pruebacunataca mana allichi tucushunchu. Chaipica Jehová Dios ayudangacamami pacienciahuan shuyana canchij. Jehová Diosca ñallami tucui llaquicunata tucuchishpa, ñucanchij ñahuicunamantapish ‘huiquita pꞌichanga’ (Ap 21:4). Chaimantami cunan punllacunapish llaquicuna tiyajpipish chaicuna ñalla tucurina cashcata crina canchij. Chashnami cushilla, tranquilo sintirishun.

CHꞌICAN CHꞌICAN CASHPAPISH TANDALLAMI CANCHIJ NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Estados Unidospica huaquin huauqui panicunaca ima jarcaicunatataj charircacuna?

• ¿Paicunaca ima shinataj pacienciata, cꞌuyaita ricuchircacuna?

• ¿Diosta sirvishpa catingapajca imatataj rurarcacuna? (Flp 1:10).