Jehová Diosca cꞌuyaimantami paita sirvichun munan (Mt 22:37, 38). Bibliamanta yachacujcunapish Diosta cꞌuyashpaca Biblia yachachishcacunatami paicunapaj causaipi pajtachingacuna. Ima llaquicunatapishmi ahuantangacuna. Shungumanta Diosta cꞌuyashpacarin bautizarinatapishmi decidingacuna (1Jn 5:3).

Chaimanta yachacujcunamanca Jehová Dios paicunata cꞌuyajta ricuchun yachachishunchij. Chaipajca cashna tapushunchij: “¿Caita intindishpaca Jehová Diosmantaca imatataj yachangui? ¿Jehová Diosca canmanca ima shinataj cꞌuyaita ricuchin?”. Shinallataj ñucanchij mañashcacunata Dios ima shina cutichishcata yachacujcunaman parlashunchij. Qꞌuipaca Jehová Dios paicunatapish ima shina ayudajta, ima shina cutichijta ricuchun ayudashunchij (2Cr 16:9). Yachacujcuna Jehová Diosta cꞌuyajpi, paipaj amigocuna cajpica cushillami sintirishun.

BIBLIAMANTA YACHACUJCUNATA DIOSHUAN ALLI AMIGO TUCUCHUN AYUDAI NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Coralca ima jarcaitataj charirca?

• ¿Ritaca ima shinataj Coralta ayudarca?

• ¿Coralca chai jarcaita mishangapajca imatataj rurarca?